Manopubbaṅgamā dhammā, manoseṭṭhā manomayā; manasā ce paduṭṭhena bhāsati vā karoti vā; tato naṃ dukkham anveti cakkaṃva vahato padaṃ.

The Pairs

Manopubbaṅgamā dhammā, manoseṭṭhā manomayā; manasā ce pasannena bhāsati vā karoti vā; tato naṃ sukhamanveti chāyāva anapāyinī.

The Pairs

Na hi verena verāni sammantīdha kudācanaṃ; averena ca sammanti esa dhammo sanantano.

The Pairs

Appamādo amatapadaṃ pamādo maccuno padaṃ; appamattā na mīyanti ye pamattā yathā matā.

Heedfulness

Phandanaṃ capalaṃ cittaṃ dūrakkhaṃ dunnivārayaṃ; ujuṃ karoti medhāvī usukāro va tejanaṃ.

The Mind

Pheṇūpamaṃ kāyam imaṃ viditvā, marīcidhammaṃ abhisambudhāno; chetvāna Mārassa papupphakāni, adassanaṃ maccurājassa gacche.

Flowers

Udakaṃ hi nayanti nettikā usukārā namayanti tejanaṃ; dāruṃ namayanti tacchakā attānaṃ damayanti paṇḍitā.

The Wise

Yo sahassaṃ sahassena saṅgāme mānuse jine; ekañ ca jeyyamattānaṃ sa ve saṅgāmajuttamo.

The Thousands

Abhittharetha kalyāṇe pāpā cittaṃ nivāraye; dandhaṃ hi karoto puññaṃ pāpasmiṃ ramatī mano.

Evil

Sabbe tasanti daṇḍassa sabbe bhāyanti maccuno; attānaṃ upamaṃ katvā na haneyya na ghātaye.

Punishment

Attā hi attano nātho, ko hi nātho paro siyā; attanā hi sudantena nāthaṃ labhati dullabhaṃ.

Self

Yathā bubbulakaṃ passe yathā passe marīcikaṃ; evaṃ lokaṃ avekkhantaṃ maccurājā na passati.

The World

Sabbapāpassa akaraṇaṁ, kusalassa upasampadā, sacittapariyodapanaṁ — etaṁ Buddhāna sāsanaṁ.

The Buddha

N’atthi rāgasamo aggi, n’atthi dosasamo kali; n’atthi khandhādisā dukkhā, n’atthi santiparaṃ sukhaṃ.

Happiness

Piyato jāyatī soko piyato jāyatī bhayaṃ; piyato vippamuttassa n’atthi soko kuto bhayaṃ.

Affection

Akkodhena jine kodhaṁ, asādhuṁ sādhunā jine; jine kadariyaṁ dānena, saccenālikavādinaṁ.

Anger

Tato malā malataraṃ avijjā paramaṃ malaṃ; etaṃ malaṃ pahatvāna nimmalā hotha bhikkhavo.

Impurities

Maggān’aṭṭhaṅgiko seṭṭho, saccānaṃ caturo padā; virāgo seṭṭho dhammānaṃ, dipadānañ ca cakkhumā.

The Path

Sabbe saṃkhārā aniccā’ti yadā paññāya passati; atha nibbindatī dukkhe, esa maggo visuddhiyā.

The Path

Akkocchi maṃ avadhi maṃ ajini maṃ ahāsi me; ye taṃ upanayhanti veraṃ tesaṃ na sammati.

The Pairs

Akkocchi maṃ avadhi maṃ ajini maṃ ahāsi me; ye taṃ na upanayhanti veraṃ tesūpasammati.

The Pairs

Dīghā jāgarato rattī, dīghaṃ santassa yojanaṃ; dīgho bālānaṃ saṃsāro saddhammaṃ avijānataṃ.

The Fool

Puttā m'atthi dhanam m'atthi iti bālo vihaññati; attā hi attano n'atthi kuto puttā kuto dhanaṃ.

The Fool

Gataddhino visokassa vippamuttassa sabbadhi; sabbaganthappahīnassa pariḷāho na vijjati.

The Perfected One

Ko nu hāso kim ānando niccaṃ pajjalite sati; andhakārena onaddhā padīpaṃ na gavessatha.

Old Age

Sukho Buddhānaṃ uppādo, sukhā saddhammadesanā; sukhā saṃghassa sāmaggī, samaggānaṃ tapo sukho.

The Buddha

Susukhaṃ vata jīvāma verinesu averino; verinesu manussesu viharāma averino.

Happiness

Kāyena saṃvutā dhīrā, atho vācāya saṃvutā; manasā saṃvutā dhīrā te ve suparisaṃvutā.

Anger

Na tena hoti dhammaṭṭho yen'atthaṃ sahasā naye; yo ca atthaṃ anatthañ ca ubho niccheyya paṇḍito.

The Just

Sabbe saṃkhārā dukkhā’ti yadā paññāya passati; atha nibbindatī dukkhe, esa maggo visuddhiyā.

The Path

Sabbe dhammā anattā’ti yadā paññāya passati; atha nibbindatī dukkhe, esa maggo visuddhiyā.

The Path

Mattāsukhapariccāgā passe ce vipulaṃ sukhaṃ; caje mattāsukhaṃ dhīro sampassaṃ vipulaṃ sukhaṃ.

Miscellaneous

Abhūtavādī nirayaṃ upeti, yo vāpi katvā na karomī ti c'āha; ubho pi te pecca samā bhavanti, nihīnakammā manujā parattha.

Hell

Ahaṃ nāgo va saṅgāme cāpato patitaṃ saraṃ; ativākyaṃ titikkhissaṃ, dussīlo hi bahujjano.

The Elephant

Manujassa pamattacārino taṇhā vaḍḍhati māluvā viya; so palavatī hurāhuraṃ, phalam icchaṃ va vanasmi vānaro.

Craving

Cakkhunā saṃvaro sādhu, sādhu sotena saṃvaro; ghāṇena saṃvaro sādhu, sādhu jivhāya saṃvaro.

The Monk

Na jaṭāhi na gottena na jaccā hoti brāhmaṇo; yamhi saccañ ca dhammo ca so sukhī so ca brāhmaṇo.

The Brahmin